föstudagur, 16. desember 2016

Útgáfuhóf byltingardagatals á morgun laugardag

Byltingardagatal fyrir árið 2017 er komið út, í tilefni af 100 ára afmæli októberbyltingarinnar, tekið saman af Vésteini Valgarðssyni. Að útgáfunni standa Alþýðufylkingin, DíaMat, Menningar- og friðarsamtökin MFÍK og Rauður vettvangur. Þetta eigulega og fróðlega dagatal kostar 1500 kr. og fæst í bókabúðinni Sjónarlind á Bergstaðastræti og hjá félögunum sem gefa það út.

Útgáfuhóf verður haldið kl. 15 laugardaginn 17. desember í Friðarhúsi, Njálsgötu 87. Fram koma Bjarki Karlsson ljóðskáld, Sigvarður Ari Huldarsson trúbador o.fl.  

Opið bréf til forseta Íslands

Herra forseti Íslands.
Þorvaldur Þorvaldsson
trésmiður og formaður
Alþýðufylkingarinnar

Í ljósi þess vandræðagangs sem einkennir tilraunir þeirra flokka sem sitja á Alþingi til að reyna að mynda ríkisstjórn viljum við hvetja þig til að leita til Alþýðufylkingarinnar og veita henni umboð til myndunar utanþingsstjórnar.
Núverandi stjórnarkreppa varpar ljósi á djúpstæða kreppu í samfélaginu. Þó að mikið sé talað um efnahagslegt góðæri, nær það aðeins til lítils hluta þjóðarinnar. Auk þess blasir við að þegar næsta efnahagsbóla springur verður það að óbreyttu enn á ný hinn fátæki skari sem verður látinn bera byrðarnar.

Öll stjórnmál í nútíma samfélagi snúast um það hvort áhersla er lögð á félagslegar lausnir eða hvort markaður kapítalismans er látinn um að móta efnahagslífið og skiptingu samfélagslegra gæða. Undanfarna áratugi hefur markaðshyggjan stuðlað að ört vaxandi ójöfnuði á Íslandi og auknu braski á kostnað verðmætasköpunar. Þess vegna er nauðsynlegt að vinda ofan af markaðsvæðingunni með auknu vægi félagslegra lausna til að koma á jafnvægi og meiri jöfnuði í samfélaginu.

Alþýðufylkingin kom til nýliðinna kosninga með ítarlega stefnuskrá, Fjögurra ára áætlun Alþýðufylkingarinnar, sem byggðist á áformum um félagsvæðingu innviða samfélagsins þar sem lykilatriði er að fjármálakerfið verði rekið félagslega, til að það hætti að draga til sín öll tiltæk verðmæti í samfélaginu og svelti þannig velferðina og aðra mikilvæga þjónustu við almenning.

Aðrir flokkar hafa ýmist sett fram óljósar og samhengislausar hugmyndir eða eru beinlínis handbendi auðstéttarinnar svo hún geti haldið áfram að raka saman gróða á kostnað alþýðunnar. Þess vegna geta þeir ekki komið sér saman um lausnir á aðsteðjandi vandamálum, enda vilja þeir ekki ráðast að orsökum þeirra.

Í samfélaginu er uppi hávær og réttmæt krafa um eflingu heilbrigðiskerfisins og menntakerfisins. Heilbrigðiskerfið hefur verið svelt um árabil og verulegt átak þarf til að það rétti úr kútnum. Bæði þarf að koma til aukin félagsvæðing og þar með betri nýting fjármuna og einnig veruleg aukning fjárveitinga. Menntakerfið hefur verið fjársvelt lengi og stendur frammi fyrir alvarlegum vanda. Nauðsynlegt er að verja auknu fé til skólanna og grípa til margvíslegra úrræða til að afstýra vaxandi kennaraskorti, sem getur varað lengi að óbreyttu.

Ýmsir flokkar taka undir nauðsyn þess að taka á þessum vandamálum, en Alþýðufylkingin ein hefur haldið á lofti nauðsyn þess að sækja peningana þangað sem þeir eru í raun og koma í veg fyrir að fjármála­fáveldið í landinu hafi opinn aðgang að því að féfletta samfélagið gegnum fjármálakerfið og aðrar samsteypur auðstéttarinnar. Án umbóta af þessu tagi verður velferðin ætíð afgangsstærð eftir að auðmenn hafa fleytt rjómann, og hrekst inn í vítahring einkavæðingar og niðurskurðar, hvað sem líður fögrum áformum.

Forsetinn er kosinn af þjóðinni og er æðsti trúnaðarmaður hennar. Ábyrgð hans hnígur því að hagsmunum þjóðarinnar og auknum lífsgæðum hennar. Í ljósi þess áréttum við hvatningu um að Alþýðufylkingunni verði falið að mynda utanþingsstjórn til að koma á jafnvægi og auknum jöfnuði í íslensku samfélagi.

Þorvaldur Þorvaldsson trésmiður og formaður Alþýðufylkingarinnar
Þessi grein birtist fyrst í Fréttablaðinu.

miðvikudagur, 14. desember 2016

Byltingardagatal 2017, útgáfuhóf lau. 17. des

Byltingardagatal fyrir árið 2017 er komið út, í tilefni af 100 ára afmæli októberbyltingarinnar, tekið
saman af Vésteini Valgarðssyni. Að útgáfunni standa Alþýðufylkingin, DíaMat, Menningar- og friðarsamtökin MFÍK og Rauður vettvangur.

Útgáfuhóf verður haldið kl. 15 laugardaginn 17. desember í Friðarhúsi, Njálsgötu 87. Fram koma Bjarki Karlsson ljóðskáld, Sigvarður Ari Huldarsson trúbador o.fl.


Þetta eigulega og fróðlega dagatal kostar 1500 kr. og fæst í bókabúðinni Sjónarlind á Bergstaðastræti og hjá félögunum sem gefa það út.

mánudagur, 5. desember 2016

Opinn félagsfundur Alþýðufylkingar í Reykjavík

Annað kvöld: 6. desember heldur Alþýðufylkingin félagsfund með opnum stjórnarfundi, kl. 20 í Friðarhúsi, Njálsgötu 87.
Dagskrá fundarins:
1. Undirbúningur fyrir stofnun svæðisfélaga Alþýðufylkingarinnar;
2. undirbúningur fyrir landsfund;
3. önnur mál.
Nýir félagar og gestir eru velkomnir (svo fremi þeir séu ekki nasistar eða barnaníðingar).
Heitt verður á könnunni.

þriðjudagur, 29. nóvember 2016

Af stofnfundi Alþýðufylkingarinnar í Norðausturkjördæmi

Stofnfundur Alþýðufylkingarinnar Norðausturkjördæmi var haldinn laugardaginn 26. nóvember 2016 í Heiðarbæ. Formaður er Björgvin R. Leifsson. Á fundinum voru samþykktar eftirtaldar ályktanir:

1. Ályktun um kjarabaráttu grunnkólakennara og afskiptasemi forseta ASÍ
Stofnfundur Alþýðufylkingarinnar Norðausturkjördæmi haldinn 26.11.2016 í Heiðarbæ lýsir yfir fullum stuðningi við kjarabaráttu grunnskólakennara og fordæmir um leið afskiptasemi forseta Alþýðusambands Íslands og annarra aðila af baráttunni.

2. Almenn stjórnmálaályktun
Stofnfundur Alþýðufylkingarinnar Norðausturkjördæmi haldinn 26.11.2016 í Heiðarbæ skorar á væntanlega ríkisstjórn og Alþingi Íslendinga að stöðva nú þegar alla einka- og markaðsvæðingu á innviðum samfélagsins en fara þess í stað að félagsvæða þessa sömu innviði á nýjan leik. Stórt skref í þá átt væri að félagsvæða fjármálakerfi landsins að fullu.

Félagsvæðing gegn markaðsvæðingu!

mánudagur, 28. nóvember 2016

Stuðningur við grunnskólakennara

Alþýðufylkingin Norðausturkjördæmi lýsir yfir fullum stuðningi við kjarabaráttu grunnskólakennara og fordæmir um leið afskiptasemi forseta Alþýðusambands Íslands og annarra aðila af baráttunni.

Samþykkt á stofnfundi Alþýðufylkingarinnar Norðausturkjördæmi
Heiðarbæ í Reykjahverfi 26. nóvember 2016

föstudagur, 25. nóvember 2016

Hvammstangi á sunnudag - minnum á stofnfund í Norðausturkjördæmi á morgun laugardag

Fundur Alþýðufylkingarinnar á Hvammstanga
Alþýðufylkingin verður með fund á kaffihúsinu Hlöðunni, Brekkugötu 2, Hvammstanga, sunnudaginn 27. nóvember 2016, kl. 16:00.
Fundarefni: Fyrirhuguð stofnun kjördæmisfélags Alþýðufylkingarinnar í Norðvesturkjördæmi.
Þorvaldur Þorvaldsson formaður Alþýðufylkingarinnar mætir og spjallar við áhugasama.
Ekki þarf að skrá sig fyrirfram og fundurinn er opinn öllum áhugasömum.
Kaffi og meðlæti selt á staðnum.

Auk þess minnum við á stofnfund kjördæmisfélags í Norðausturkjördæmi á laugardag, sjá auglýsingu.

miðvikudagur, 23. nóvember 2016

Stofnfundur Alþýðufylkingarinnar Norðausturkjördæmi á laugardag

Alþýðufylkingin boðar til stofnfundar kjördæmisfélags flokksins í Norðausturkjördæmi í Heiðarbæ í Reykjahverfi laugardaginn 26. nóvember 2016 kl. 15:00.
Nýir félagar velkomnir!
Fundargjald er að lágmarki kr. 1.000,- (fundaraðstaða og kaffi er innifalið) en hægt er að kaupa bæði mat og gistingu á staðnum og fellur þá fundargjald niður.
Verð á kvöldmat er kr. 4.000,- (líkleg tímasetning er kl. 18)
Verð á gistingu (morgunverður innifalinn) er kr. 9.000,- (tveggja manna herbergi) eða 2.500,- (svefnpokapláss).
Heitur pottur á staðnum :)
Nánari upplýsingar veitir Björgvin R. Leifsson í síma 8636605 eða tölvupósti brl@brl.is
Félagsvæðing gegn markaðsvæðingu!

föstudagur, 18. nóvember 2016

Alþýðufylkingin keik: svæðisfélög í undirbúningi

Þótt Alþýðufylkingin hefði gjarnan viljað fá fleiri en 575 atkvæði í kosningunum í október, erum við ánægð með þann árangur sem við náðum við að kynna flokkinn og málstað hans. Nýja félaga hefur drifið að undanfarið.

Ólíkt öðrum flokkum erum við ekki háð þingsætum eða opinberum styrkjum, enda höfum við starfað án slíks frá upphafi. Nú fylgjum við kosningabaráttunni eftir með uppbyggingu flokksins. Á næstu 6-8 vikum stendur til að stofna kjördæmafélög.

Ef þið viljið vera með, en hafið ekki ennþá gengið til liðs við flokkinn, er ekki eftir neinu að bíða.

Vésteinn Valgarðsson
varaformaður

miðvikudagur, 16. nóvember 2016

Samstöðuyfirlýsing til alþjóðlegu verkalýðsráðstefnunnar í Mumbai

A greeting of solidarity
to the World Conference Against War,
Exploitation and Precarious Labour
held in Mumbai November 18th - 20th 2016
from the executive committee of the People's Front of Iceland

The People's Front of Iceland greets the Mumbai conference with solidarity. Workers of the world are facing severe threats and obstacles in their pursuit of social justice, peace and security. The powers that are up against us are monopoly capitalism, finance capitalism and imperialism, a three-headed monster. The only means we have to fight it are the means of the class struggle, where working class solidarity is sine qua non. We must stand as one and not let us be divided by nationality, race, caste, gender, religion or other identity factors. We must not be led astray by opportunism, reformism or bourgeois populism. The road to justice is the road out of capitalism. That is what we must focus on.

People's Front of Iceland Executive Committee

föstudagur, 11. nóvember 2016

Kosningarnar – árangur og lærdómar

Það var óraunhæft var að reikna með að fylgi Alþýðufylkingarinnar teldist í prósentum. 0,3% er
Þórarinn Hjartarson
kannski í lægra lagi eftir býsna vasklega kosningabaráttu, þó er það ekki afleit byrjun. Það voru 575 manns sem kusu okkur.

Það er vel kunnugt, og auðskilið, að fólk flest kýs taktískt og mjög var fókusað á vegasaltið: stjórnarflokkarnir gegn vinstra bandalagi. Það að greiða R atkvæði þýddi að láta EKKI lóð sitt á umrætt vegasalt – og vera þar með óhjákvæmilega sakaður um að „hjálpa íhaldinu“! Fólkið sem greiddi okkur atkvæði vissi vel að atkvæðið nýttist ekki til þingsæta en vildi væntanlega í staðinn efla Alþýðufylkinguna sem raunverulegan vinstri valkost. Sem sagt nokkuð staðfast fólk sem tók það að byggja flokk til framtíðar fram yfir áhrif á stjórnarmyndunarbrölt hér og nú.

Ég var skeptískur í byrjun og sagði að fyrir byltingarsinnaðan flokk (sem vill steypa auðvaldinu) hefði lítið upp á sig að bjóða fram til þings áður en fólk hefði neitt séð til hans, þ.e.a.s. áður en hann hefði eitthvað gert sig gildandi í stéttabaráttunni. Fyrir því er nokkur reynsla að alþýða fer ekki að treysta róttækum sósíalistum nema hún hafi handfasta reynslu af þeim í stéttabaráttunni. Mælskur málflutningur einn nægir ekki. Það er nefnilega svo að málflutningur byltingarsinna er hreint ekkert meira lokkandi fyrir alþýðu en t.d. málflutningur endurbótasinnaðra krata. M.a.s. getur hann að nokkru virkað fráhrindandi, t.d. tal um nauðsyn harðrar stéttabaráttu, hvað þá tal um nauðsyn byltingar. Það sem á endanum verður að skera úr í málinu og skilja hafrana frá sauðunum er reynsla alþýðunnar í stéttabaráttunni og sá stuðningur sem hún fær þar frá ólíkum stjórnmálaöflum.

Og það var nóg af lokkandi kratískri endurbótastefnu á boðstólnum. VG, Samfylking, Björt framtíð og Dögun eru flokkar sem einkennast af dæmigerðum kratískum áherslum (ásamt mismiklu innslagi af græna litnum m.m.). Og Píratar, Flokkur fólksins og Íslenska þjóðfylkingin höfðu að stórum hluta áherslur í sömu átt (hins vegar eru Sjálfstæðisflokkur og Viðreisn markaðshyggjuflokkar, og að hluta til Framsókn líka). Sem sagt kratisminn var mjög ríkulega í boði, og alls ekki fluttur af minni mælsku en stefna Alþýðufylkingarinnar. Og ef fólk hafði fengið nóg af gömlu vinstri flokkunum (VG, Samfylkingu) var þarna slatti af nýjum og nýlegum valkostum – aðrir en við – til að hlusta á og taka afstöðu til. Íslenskri alþýðu er vorkunn að sjá ekki út úr þessu bleika skýi.

Ég er samt ekki þess sinnis að framboðið hafi verið mistök. Framboðið sem slíkt tókst vel og var framkvæmt af þrótti, meiri þrótti en ég hafði búist við. Róttæk alþýða og róttæklingar almennt vita nú af Alþýðufylkingunni. Kosningarnar ýttu á að Alþýðufylkingin mótaði róttæka stefnu við íslenskar aðstæður (stefnu sem er þó síst hafin yfir gagnrýni) og náði að kynna hana talsvert. Kosningapróf („Stundarinnar“) benda til að stefnan hafi fallið í góðan farveg þó ekki hafi skilað sér í kjörklefann.

Í svona ströggli fæst líka reynsla, það lærist að afhjúpa veilurnar og mótsagnirnar í málflutningi mótherja, ekki síst gerfivinstri- og hentistefnuflokka, t.d. afhjúpa VG í NATO-málum, ESB-málum, umhverfismálum síðustu ríkisstjórnar, afhjúpa tilræði ESB-flokkanna við sjálfstæðið, misskiptingarpólitík Sjálfstæðisflokksins...

Sem sagt: kosningaræður geta verið nytsamlegar en þær breyta ekki samfélaginu. Enda berst sósíalisminn okkur ekki frá Alþingi. Nú þarf að reka stéttabaráttu á grundvelli stefnunnar og sanna sig í starfi.

Þórarinn Hjartarson

þriðjudagur, 1. nóvember 2016

Kynningarmyndbandið komið á YouTube

Kynningarmyndband Alþýðufylkingarinnar, gert fyrir og birt af RÚV, er komið á YouTube.

(Uppfært: kominn linkur á rétt myndband!)

mánudagur, 31. október 2016

Að loknum kosningum

Yfirlýsing frá Þorvaldi Þorvaldssyni, trésmið og formanni Alþýðufylkingarinnar


Að loknum kosningum

Félagar.

Nú þegar kosningarnar 2016 eru afstaðnar vil ég byrja á að þakka öllum 
Þorvaldur Þorvaldsson

þeim sem tóku þátt í þeim fyrir hönd Alþýðufylkingarinnar og gerðu okkur 
kleift að ná þeim árangri sem raun ber vitni.

Þó að við hefðum gjarnan viljað fá fleiri atkvæði höfum við unnið marga sigra sem rétt er að halda til haga. Framboð Alþýðufylkingarinnar í fimm kjördæmum með 110 frambjóðendum er stórt skref áfram frá því síðast og verður okkur lyftistöng til að byggja upp skipulag og áhrif flokksins á landsvísu. Nýir félagar hafa komið til liðs við Alþýðufylkinguna í öllum landshlutum og eftir mánuð stendur til að stofna fyrsta svæðisfélag flokksins og halda svo áfram að efla skipulag og tengslanet flokksins til aukinna áhrifa.

Þetta er gott veganesti fyrir áframhaldandi uppbyggingarstarf. Það er uppörvandi að 13,5% krakka á grunnskólaaldri kjósi Alþýðufylkinguna og í Skuggakosningum framhaldsskólanna er fylgi okkar fimmfalt meira en í kosningunum. Auk þess urðum við vör við það í aðdraganda kosninganna að sjónarmið okkar og barátta fyrir djúpstæðum breytingum á samfélaginu fengu mikinn hljómgrunn og vöktu hrifningu margra. Kosningastefnuskráin vakti mikla og verðskuldaða athygli enda komum við betur nestuð málefnalega til kosninganna en aðrir flokkar. Þó að þetta hafi ekki skilað okkur kjörfylgi að sama skapi, m.a. vegna hugmynda um að atkvæðin muni ekki nýtast til þingsæta, þá mun aukin vitneskja um flokkinn og hugmyndir okkar skila sér á margan hátt í baráttunni framundan.

En barátta Alþýðufylkingarinnar snýst ekki bara um kosningaúrslit heldur að breiða út og skipuleggja baráttuna gegn auðvaldinu á öllum sviðum. Alþýðufylkingin þarf að vinna að þvi að eiga sér málsvara alls staðar þar sem fólk kemur saman, á vinnustöðum, í íbúðahverfum, fjöldasamtökum og víðar. Einnig verðum við að tryggja samstöðu um meginstefnu flokksins og berjast fyrir henni alls staðar þar sem því verður komið við. Látum til skarar skríða.

Kveðja

Þorvaldur Þorvaldsson, formaður Alþýðufylkingarinnar

laugardagur, 29. október 2016

Kosningavaka Alþýðufylkingarinnar

Alþýðufylkingin heldur kosningavöku í MÍR-salnum, Hverfisgötu 105. Húsið opnar um kl. 17. Það verður ekki formleg dagskrá, en hægt verður að kaupa kaffibolla og boli með merki flokksins!

Þorvaldur á Stundinni

Stundin birtir viðtal við Þorvald Þorvaldsson formaður Alþýðufylkingarinnar. Lesið það á Stundinni!

Þess vegna eigið þið að kjósa Alþýðufylkinguna

Alþýðufylkingin boðar jöfnuð og félagslegt réttlæti, fullveldi og velferð og hefur skýra sýn á hvernig þessum markmiðum verði náð: Með félagsvæðingu. Með því að félagsvæða fjármálakerfið (banka, lífeyrissjóði og tryggingafélög) og reka það sem samfélagslega þjónustu en ekki í gróðaskyni, getum við sem samfélag sleppt því að borga nokkur hundruð milljarða á ári í vexti. Og með því að félagsvæða aðra innviði samfélagsins, þannig að enginn geti makað krókinn með dýrum einkarekstri sem ríkið borgar að mestu fyrir, getum við nýtt peningana betur í velferð, í heilbrigðisþjónustu, í sjálf markmiðin með innviðunum.

En þetta er ekki allt: Þessi markmið munu því aðeins nást, að fólkið í landinu berjist fyrir þeim með virkum hætti. Við verðum í þeirri baráttu, hvort sem við verðum innan eða utan Alþingis. Við eigum ekki að trúa stjórnmálamönnum sem lofa okkur öllu fögru, að gera allt fyrir okkur. Það er ekki hægt að stytta sér leið. Framfarir kosta baráttu. Þá baráttu boðum við.

Þið eigið ekki bara að kjósa Alþýðufylkinguna, það er góð byrjun en ekki nóg. Þið eigið að ganga til liðs við hana og gera ykkur gildandi í baráttunni fyrir framtíð okkar allra.
Vésteinn Valgarðsson
varaformaður Alþýðufylkingarinnar
 (Þessi pistill hefur áður birst í DV.)

föstudagur, 28. október 2016

Vésteinn á Harmageddon

Vésteinn Valgarðsson oddviti Alþýðufylkingarinnar í Reykjavík norður var í viðtali í útvarpsþættinum Harmageddon fyrir fáum dögum síðan. Hlustið á viðtalið hér!

Söngkeppni flokksformanna: Þorvaldur Þorvaldsson

Inga Sæland tók lagið á dögunum og skoraði um leið á aðra flokksformenn í keppni í söng. Þorvaldur Þorvaldsson, formaður Alþýðufylkingarinnar, tók áskoruninni á baráttufundi í gærkvöldi:

Hraðaspurningar ÖBÍ til Guðmundar Magnússonar

Guðmundur Magnússon, oddviti Alþýðufylkingarinnar í Suðvesturkjördæmi, var fyrir svörum í hraðaspurningum hjá Öryrkjabandalagi Íslands í gær. Horfið á upptökuna hér!

Málefni ungs fólks

Með flokki áhyggjuefna sem kallast „málefni ungs fólks“ er verið að gefa í skyn að resti
Erna Lína Baldvinsdóttir
n af 
stjórnmálunum komi ungu fólki ekki við. Öll málefni koma ungu fólki við og málefni ungs fólks koma öllum við. Þó ég sé ung og þurfi ekki á hjúkrunarheimili að halda, þá á ég ömmur og langafa sem munu þurfa þess og foreldrar mínir munu vonandi þurfa ellilífeyri einhvern tímann á lífsleiðinni.

Ég er kannski ung en ég hef samt áhyggjur af eldri borgurum landsins. Þetta áhyggjulausa líf gamalmenna er varla til í íslensku samfélagi. Ellilífeyrir er ekki nógu hár og greiðsluþátttakan í heilbrigðiskerfinu of há.

Unga fólk nútímans er gamla fólk framtíðarinnar. Ég vil vita að þegar ég verð gömul verði séð almennilega um mig. Ég get ekki komið með þá kröfu á komandi kynslóðir ef ég og mín kynslóð er ekki tilbúin til að gera hið sama fyrir þá eldri borgara sem eru hér í dag. Við þurfum að koma vel fram við gamalt fólk og hjálpa því án þess að taka af því sjálfstæðið.

Nú er vaxandi offita í landinu. Reynt er að koma á móts við börn með því að veita þeim aðgang að íþróttum og allt er gott og blessað með það. En hver er að hugsa um gamla fólkið? Eldri borgarar þurfa einnig að fá aðgang að ýmsum íþróttum. Nú eru flest íþróttahús landsins tóm á meðan ungmennin eru í skólum. Hvernig væri að nýta þann tíma fyrir þá sem eru eldri og geta ekki unnið. Þetta þarf að vera gjaldfrjálst og við þurfum að hvetja fólk á öllum aldri til að hreyfa sig.

Hollt mataræði þarf að vera ódýrt. Það gengur ekki að setja á sykurskatt og láta þar kyrrt liggja. Þá er bæði hollur og óhollur matur orðinn of dýr fyrir meðaljóninn sem og eldri borgara. Fyrst og fremst þarf að niðurgreiða hollmeti.

Við unga fólkið þurfum að hugsa út fyrir okkar eigin hagsmuni og sýna eldri borgurum að okkur er ekki sama um þau.


--Erna Lína Baldvinsdóttir
í 2. sæti á lista Alþýðufylkingarinnar í Suðurkjördæmi

Kynningarmyndband Alþýðufylkingarinnar

Sjáið kynningarmyndband Alþýðufylkingarinnar á RÚV.is!

Veistu ekki hvað þú átt að kjósa? Hér er hugmynd:

Margir vita ekki hvað þeir eiga að kjósa á morgun. Þeim er vorkunn, enda getur valið að sönnu verið erfitt. Til að auðvelda íslenskum kjósendum valið, bendum við í Alþýðufylkingunni á viðtalsþáttinn "Forystusætið", þar sem formaður okkar Þorvaldur Þorvaldsson sat fyrir svörum um daginn. Horfið á þennan ágæta þátt hér: Þorvaldur í Forystusætinu.

fimmtudagur, 27. október 2016

Vita börnin þín ekki hvað þau eiga að kjósa?

KrakkaRÚV er með Krakkakosningar 2016. Á heimasíðu þeirra eru nokkur stutt myndbönd þar Erna Lína Baldvinsdóttir, í 2. sæti Alþýðufylkingarinnar í Suðurkjördæmi, segir krökkum frá stefnu Alþýðufylkingarinnar. Horfið á þau hér!

Baráttufundur í kvöld!

Alþýðufylkingin heldur baráttufund fimmtudagskvöldið 27. október kl. 20:00 í MÍR-salnum, Hverfisgötu 105.

Glæsileg dagskrá listamanna og ávörp frambjóðenda. Tækifæri til að kynnast frambjóðendum flokksins í návígi eða eignast eftirsótta boli og aðra eigulega muni með merki flokksins. Fjáröflunaruppboð. Gagn og gaman.

Ávörp flytja:
Guðmundur Magnússon, oddviti í Suðvesturkjördæmi
Erna Baldvinsdóttur í Suðurkjördæmi og
Þorvaldur Þorvaldsson, formaður flokksins

Blaz Roca og Sesar A stíga á stokk og skemmta eins og þeim einum er lagið

Júlía Margrét Einarsdóttir og Björk Þorgrímsdóttir lesa eigin ljóð

Sólveig Hauksdóttir deilir með okkur einhverju góðgæti

Allir velkomnir, nema nasistar og barnaníðingar.

Alþýðufylkingin valkostur í komandi kosningum.

Nú er komið að kosningum og ég er búinn að finna mína hillu, svo blöskrar mér framganga ráðandi flokka og annarra sem staðið hafa að stjórnun Íslands síðustu áratugi, (og tel enga batavon hjá neinum þeirra), að ég hef tekið stöðu með ALÞÝÐUFYLKINGUNNI. Hún er afl sem er með réttláta stefnuskrá sem er miðuð við þarfir hins almenna borgara í því að sjá sér og sínum farborða.
Ægir Björgvinsson

Ég á börn og barnabörn sem eru að takast á við mjög erfiða fjárhagslega framtíð er varðar eignamyndun í íbúðahúsnæði og að takast á við heilsufarsleg vandamál. Ég tel fjögurra ára áætlun Alþýðufylkingarinnar vera plagg sem tekur á málunum eins og þau ættu að vera, þess vegna gef ég kost á mér í 3ja sæti á framboðslista í Suðvesturkjördæmi (Kraganum).

Fjögurra ára áætlun Alþýðufylkingarinnar tekur af miklum metnaði á helstu málum er varðar íslenskt samfélag og þá einstaklinga sem búa landið. Þegar við komumst til áhrifa verður neyðaráætlun virkt, þ.e. Landspítalinn fær a.m.k. einn milljarð strax, áður en byrjað verður á kerfisbreytingum, sala ríkiseigna verður stöðvuð strax og bætur öryrkja verða uppfærðar strax, þær hafa verið frystar frá hruni.

Hvað er Alþýðufylkingin? Hún er fjöldahreyfing sem berst fyrir hagsmunum alþýðunnar, en hennar hagsmunir eru grundvöllurinn að öllum okkar baráttumálum. Við tökum ekki undir áróður um að bæta megi lífskjör með auknum hagvexti, í samfélagi eins og byggst hefur upp á Íslandi fylgir auknum hagvexti jafnan aukinn ójöfnuður og skuldsetning, enda taka auðmenn sér ríflegan hagnað út úr aukinni veltu, lykilatriði er félagsvæðing innviða samfélagsins, þar sem fjármálakerfið og nauðsynleg samfélagsþjónusta við alla er í fyrirrúmi.

Í áætluninni er gerð grein fyrir helstu baráttumarkmiðum Alþýðufylkingarinnar á næstu árum, innra samhengi þeirra og samhengi þeirra við framtíðarsýn flokksins um betra samfélag. Þessi áætlun er ekki listi af loforðum heldur ábending um að ef við viljum betra þjóðfélag þar sem við erum okkar eigin gæfu smiðir, þá þurfum við að berjast fyrir því.
Ægir Björgvinsson, 3ja sæti Suðvesturkjördæmi.
(Þessi grein birtist á Vísi sl. mánudag.)

Baráttufundur í kvöld

Alþýðufylkingin heldur baráttufund fimmtudagskvöldið 27. október kl. 20:00 í MÍR-salnum, Hverfisgötu 105.

Glæsileg dagskrá listamanna og ávörp frambjóðenda. Tækifæri til að kynnast frambjóðendum flokksins í návígi eða eignast eftirsótta boli og aðra eigulega muni með merki flokksins. Fjáröflunaruppboð. Gagn og gaman.

Ávörp flytja:
Guðmundur Magnússon, oddviti í Suðvesturkjördæmi
Erna Baldvinsdóttur í Suðurkjördæmi og
Þorvaldur Þorvaldsson, formaður flokksins

Blaz Roca og Sesar A stíga á stokk og skemmta eins og þeim einum er lagið

Júlía Margrét Einarsdóttir og Björk Þorgrímsdóttir lesa eigin ljóð

Sólveig Hauksdóttir deilir með okkur einhverju góðgæti

Allir velkomnir, nema nasistar og barnaníðingar.

Björgvin R. Leifsson á N4

Sjónvarpsstöðin N4 tók á dögunum viðtal við Björgvin Rúnar Leifsson, sem er í 2. sæti Alþýðufylkingarinnar í Norðausturkjördæmi. Horfið á viðtalið hér.

Hverjum treystir þú?

Vinstri-græn hafa undanfarið slegið um sig með spurningunni "Hverjum treystir þú?"
Vésteinn Valgarðsson
Þetta er eðlileg spurning í aðdraganda kosninga, og fyrst þau gefa þennan bolta upp er best að skoða málið. Og vegna þess að verkið lofar meistarann, þá er marktækast að skoða síðasta kjörtímabil.

Byrjum á húsnæðisstefnunni: Húsnæðisstefna VG var að láta bankana sjá um að útfæra húsnæðisstefnuna, til að geta sjálft þvegið hendur sínar af henni. Í skjóli þess voru gjaldþrota heimili flokkuð: Fólk gat fengið verulegar niðurfellingar ef það gat staðið í skilum með restina. Aðrir voru settir á nauðungaruppboð -- á færibandið, eins og það var kallað innan bankanna.

Tökum næst efnahagsstefnuna. VG er ekki með neitt sem er hægt að kalla alvöru efnahagsstefnu. En Alþjóðagjaldeyrissjóðurinn er það hins vegar. Að forsögn hans var rekin hér harðsvíruð stefna niðurskurðar og markaðsvæðingar í nafni ríkisstjórnarinnar sem kenndi sig við vinstri.

Eigum við að tala um Evrópusambandið? Hvaða ályktanir dregur fólk, þegar sama fólkið hefur það á stefnuskránni að "hagsmunum Íslands sé best borgið utan ESB" og greiðir síðan atkvæði með aðildarumsókn? Og þráast enn við að vilja þjóðaratkvæði um eitthvað sem þau segjast sjálf vera á móti?

Einkavæðing bankanna hin síðari. Magma-málið. Olíuleit á Drekasvæðinu. Stóriðja á Bakka. Áform um rafmagnssæstreng. Við þekkjum öll þessa sögu, en við þurfum að muna hana núna þegar við eigum að fara að kjósa aftur.

Ég var í VG mestan hluta síðasta kjörtímabils. Ég barðist á hæl og hnakka gegn öllum þessum málum, innan flokks sem utan, þar til ég sá að það var fullreynt. Eftir meira en þrjú ár af innanflokksátökum sá ég að þetta var tímasóun. Þau mundu aldrei koma með út í uppgjör við fjármálaauðvaldið. Fyrsta varnarlína auðvaldsins var innan flokksins.

Ef ég treysti Vinstri grænum, væri ég þar enn. En reynslan segir mér að sá sem ætlar í slag við auðvaldið hefur ekkert að gera þar. Þess vegna var ég með í að stofna Alþýðufylkinguna. Hún er flokkur sem skilur inntak og gildi félagslegra lausna, vísar leiðina út úr kapítalismanum í stað þess að ætla sér að lappa enn einu sinni upp á hann, og veit hvaða krafta þarf til að koma á nauðsynlegum umbótum. Það eru kraftar stéttabaráttunnar.


Almenningur í landinu þarf að taka virkan þátt í baráttunni frá degi til dags, því hún fer ekki bara fram í kosningum til þings eða á þingi. En hún fer meðal annars fram þar. Alþýðufylkingin er raunhæfur og raunsær valkostur til vinstri sem leitar ekki friðkaupa við fjármálaauðvaldið, sem grætur ekki kreppuna heldur safnar liði. Verið með. Kjósið okkur núna, en takið líka slaginn eftir kosningarnar.

Vésteinn Valgarðsson
oddviti Alþýðufylkingar í RVK-N